Það var því eins gott að næsti áfangastaður var á aðaleyjunni og því var önnur bátsferð óþörf. Fórum til Mango Bay á Coral Coast, sem við héldum að væri frekar basic bakpokaferðalanga hostel en þetta var mjög flott resort og ódýrt miðað við það sem maður fékk. Ætluðum td. upphaflega að vera bara 2 daga þarna en þeir teygðust í 5. Fengum safarítjald fyrir okkur fjórar (tjald með gólfi og "baðherbergi" og alvöru rúmum) þar sem maður gat farið í sturtu undir stjörnubjörtum himni án þess að óttast að einhver gæti séð mann.. Ég verð að viðurkenna að "sukkið" frá Beachcomber hélt áfram á Mango Bay. Reyndar tóku Jordan og Amy ekki virkan þátt í því, en ég og Gisele reyndum að standa undir nafni (þótt að hún hafi verið mun afkastameiri heldur en ég, með fylleríisbrúðkaupi og þáttöku í raunveraleikasjónvarpsþætti sem afleiðingar sukki sínu). Bara fyndið. Gisele er semsagt enn á Fiji að taka þátt í sjónvarpsþætti sem verður sýndur í Bretlandi eftir ca. 3 vikur! Þvílíkur endir á fríinu hennar!
jebb..hvert var ég komin? tók smá pásu..
Ah..Mango Bay, alveg rétt... Ég fékk næstum hjartaáfall þar. Ég og Jordan vorum að tjekka á emailunum okkar (þó ég bloggi ekki, þá læt ég allavega foreldra mína vita að ég sé enn á lífi) og ég var að spá hvað það væri skrítið að einhver hefði notað tölvuna til að fara á mbl.is þegar ég heyri einhverja tala íslensku útundan mér! Tók mig tvö augnablik að fatta að ég væri ekki að ímynda mér neitt og spyr (eins og gufa!) hvort þær (stelpurnar tvær sem höfðu verið að tala saman) séu íslenskar.. (spáði reyndar ekki í því fyrr en eftir á að þetta væri kannski frekar heimskuleg spurning, en anyways..) Þær urðu jafnhissa og ég var að hitta íslending á Fiji, líkurnar eru ekki yfirgnæfandi, held að við getum öll verið sammála um það! Og auðvitað kom í ljós að við þekktum fólk sameiginlega, Gullu&Tóta, Tomma og Guðrún úr mötuneytinu í Holtó var móðursystir annarrar þeirra.. It's a small world after all.. ;) Bara gaman að þessu, það var orðið svo langt síðan ég talaði íslensku við einhvern face-2-face að ég naut þess í botn!
úff..þetta er orðið svo langt hjá mér, verð að hoppa yfir slatta af dóti..
Við gerðum svosem ekki mikið á Mango Bay, en við ákváðum þó að fara í smá sightseeing og skelltum okkur í island day trip. Oh.My.God. ok, ég veit að ég sagði áðan að ég hefði svarið þess eið að fara ekki aftur um borð í bát...en mér fannst ég bara ekki geta sleppt þessu..þó, ef ég hefði séð bátinn (lesist KÆNUNA) sem við fórum með, áður en ég hefði ákveðið mig þá hefði ég kannski ekki farið.. og ef ég hefði vitað hversu langt við þyrftum að fara..já..hefði pottþétt ekki farið..ekki það að ég sjái eftir því núna, en ég hélt að ég myndi deyja. Í Alvöru. Er Ekki Að Djóka. Fimm mínútum eftir að við stigum upp í "bátinn" var ég orðin holdvot vegna þess að öldurnar ákváðu að stíga einnig um borð. Gaman. Not. Ég eyddi allri bátsferðinni í að ríghalda mér í allt það naglfasta sem var í seilingarfæri og skrifaði erfðaskránna mína í huganum. Reyndar kom fljótlega í ljós að ég á ekki neitt til að arfleiða ykkur af, þannig að ég ákvað að hafa áhyggjur af því í staðinn hvort líftryggingin mín myndi duga fyrir skuldunum mínum. Ákvað að ef það væri afgangur eftir skuldirnar og jarðarförina og svoleiðis þá færi það til systurbarnanna minna. Bara svo það sé á hreinu, þó ég hafi reyndar endurnýjað heit mitt um að fara ekki um borð neins sem flýtur aftur á lífsleiðinni þannig að ég ætti að sleppa.
Restin af Island Trip-inu var samt mega. Sáum höfrunga, fórum á eyðieyju og lágum þar í sólbaði, reyndum að veiða og hinir fóru að snorkla. Ég er á móti öllu sem felur í sér að ég þurfi aktúallí að fara útí sjóinn prívat og persónulega. Jakk..of skarí.. Ég brann frekar skrautlega í þessari bátsferð, endaði með skemmtilegt gleraugnafar eftir sólgleraugun. Smart. Var nefnilega of upptekin við að halda mér í bátinn til að geta sleppt og set á mig sólarvörn. Típískt.
Eyddum svo síðasta deginum okkar í Pacific Harbor þar sem stelpurnar versluðu og ég..tja fylgdi bara með reyndar. Gisele varð svo eftir eins og ég sagði og við fórum til Nadi og eftir 2 tíma seinkun á fluginu okkar lögðum við loks af stað heim. Og úff..hvað það var gott að koma heim! Þó ég hefði reyndar þurft að byrja strax á því að þvo hverja einustu spjör svo ég gæti farið til Melbourne daginn eftir..
(Vá, á ekki von á því að neinn nenni að lesa svona langt því ég er á mörkunum á því að nenna að skrifa..en best að klára þetta áður en ég gleymi öllu)
Melbourne! Fór þangað 30.jún og hitti Petu og Hege þar. Eins og þið munið líklegast þá er Peta áströlsk og frá Newcastle en býr í sömu "blokk" og ég og Hege er norsk og býr líka á sama stað. Hege var með ákveðnar hugmyndir um hvað hún vildi gera í Melbourne og því fylgdum við Peta bara með eins og hvolpar í taumi. Mætti segja að frá föstudegi til mánudags gerðum við ekkert nema ganga um Melbourne eins og hún leggur sig. Gaman að því samt, sáum helling af borginni sem ég nenni ekki að telja upp því ég er of þreytt í puttunum og þið vitið eflaust ekki hvað ég er að tala um! Þannig að förum beint í krassandi stöffið!! ;) þær fóru heim á mánudaginn og um leið og mér var sleppt lausri fór ég beint í Nágranna, of course!!
Á mánudagskvöldið var Neighbours Night þar sem maður gat hitt "stjörnurnar úr þáttunum". Og auðvitað fór ég!! ;) Pakkað af bretum og írum og allir geðveikt spenntir að hitta alvöru nágranna ;) Ég var "tekin á löpp" af tveimur írum (Jonathan og Lauru) í röðinni og eyddi kvöldinu með þeim. Það eru alltaf þrír leikarar sem koma á hvert svona kvöld, þau skiptast á, og þegar ég fór þá var röðin komin að Harold!!!, Elle og Dylan! Mega.. allir náttúrlega spenntastir yfir því að hitta Harold, enda er kallinn búinn að vera í þáttunum frá byrjun ef mér skjátlast ekki (og það gerist sjaldan).
Harold heitir Ian Smith í alvöru og er eins ólíkur karakternum sínum að það væri vart hægt að vera meira eins og svart og hvítt! Algjör perri, in a good way though!! ;) hehe.. Hann var slæmur í löppinni og því var hann bara kjurr í einu herbergi og fólk var kallað til hans til að fá mynd en Dylan og Elle löbbuðu um. Frekar fyndið að þau voru öll með sína lífverði með sér og Harold með tvo meira að segja! algjör celebs.. ;) Fékk mynd af mér með öllum of course. Harold talaði svo mikið við mig á meðan það var verið að taka mynd af okkur að það var nánast ómögulegt að fá almennilega mynd! Hann lifnaði allur við þegar ég sagðist vera íslensk og spurði hvort þátturinn væri nokkuð sýndur þar.. ég hélt það nú! Svo fór hann að tala um að hann hefði verið að horfa á einhverja íslenska mynd um daginn, eitthvað í sambandi við Bakarí eða eitthvað álíka.. kannast reyndar ekkert við þá mynd, en þið? nema þetta hafi verið heimildamynd um íslensk bakarí, sem ég hef reyndar ekki heldur heyrt um! ;)
Eftir myndatökurnar og allt heila klabbið var maður búinn að drekka ansi mikið af bjór og ég og írarnir vorum orðin ansi hress.. ákvað þó að taka kvöldið snemma þar sem ég þurfti að tjekka út daginn eftir og fór heim í háttinn um hálf-eitt, írunum til vonbrigða. I'm so popular, I know ;) hehe...
Var furðu hress daginn eftir, sem var eins gott þar sem að nú var komið að því að sjá Ramsay street sjálfa! Fór í Neighbours túr, sem var mjög gaman, þrátt fyrir að manni liði eins og algjörum asna að láta taka myndir af sér þarna! Get ekki ímyndað mér hvernig það er fyrir fólkið sem býr í húsunum að fá 2, stundum allt upp í 4, túristarútur í götuna sína á hverjum einasta degi og allir að láta taka myndir af sér fyrir framan húsin þeirra! ég yrði nett pirruð ef ég byggi þarna!
Anyways, skemmtileg tilviljun: það var ákkúrat verið að mynda fyrir heimildamynd um Skye í Nágrönnum og það var tekið viðtal við okkur sem vorum í rútunni og við sungum þemalagið og alles fyrir myndavélarnar! þannig að ég verð í sjónvarpinu hérna í OZ á channel 10 eftir ca. 3 vikur! úff..embarrassing!!! Of fyndið samt.. vonandi verður þetta svona blink-and-you-missed-it skot af okkur.. ;)
Eftir túrinn var kominn tími á heimför til Brissy og vá, hvað það var gott að komast loks "heim" aftur. Eftir 2 vikna dvöl þvers og kruds var gott að sofa í sínu "eigin" rúmi og soleis.. Fyndið að þegar ég lenti í gær þá fékk ég svona: ég er komin heim tilfinningu.. eins og þegar maður kemur heim til ísl.. ekki nærri því eins sterka og sú íslenska samt!!! engar áhyggjur! ;)
Eyddi deginum í dag í að finna gólfið í herberginu mínu, það var orðið frekar drullugt hérna. Vissi reyndar ekki áður en ég flutti að heiman að það þyrfti að þrífa sturtur. Það var ekkert sérlega skemmtileg uppgvötun satt best að segja... *Ógeðishrollur* Fór svo og kíkti á einkunnirnar mínar sem komu í hús í dag og mér gekk bara bærilega þó ég segi sjálf frá! Þrjár Distinctions og eitt Credit. (Sem þýðir nokkurn veginn að ég fékk ca. þrjár rúmlega áttur og eina sjöu..jebb..nokkurn vegin rétt..)
Jæja, þetta er orðið ALLTOF langt hjá mér, verðlaun fyrir þá sem hafa nennt að lesa þetta allt saman!!
Setti inn myndir! (bara ef ég fyndi slóðina á þær....wait..)
http://mekkin.spaces.msn.com/photos/ sjáum hvort þetta virkar..kommentið ef ekki..
Later aligator
luv
Andie
